شمالی وزیرستان کے علاقے رزمک میں مڈل اسکول جلانے میں اسکول کے استاد کے ملوث ہونے کا انکشاف ہوا ہے۔ چوکیدار محمد نور کے بیان نے بھانڈا پھوڑ دیا۔ محمد نور کے بیان پر اس کی مدعیت میں تھانہ رزمک میں مقدمہ درج کرلیا گیا۔

چوکیدار محمد نور کے بیان کے مطابق 25 مئی کو پانچ مسلح نقاب پوش افراد دیوار پلانگ کر اسکول میں داخل ہوئے۔ انہوں نے کمرے کی چابیاں مانگیں۔ انکارپرتالے توڑدیے۔

محمد نور نے بتایا کہ مسلح افراد کمرے میں رکھی ہوئی تمام اشیا کو آگ لگانے کے بعد فرار ہوگئے۔

ایف آئی آر کے متن میں کہا گیا ہے کہ اسکول ٹیچر فریداللہ کی ایما پر طالبات کو ہراساں کرنے اور خوف کا ماحول پیدا کرنے کے لیے مسلح نقاب پوش ملزمان نے تالے توڑ کر سامان کو آگ لگائی۔