ٹھنڈے ٹھنڈے مینگو شیک کے بغیر گرمیاں کیسے گذاری جا سکتی ہیں؟ اس گرمیوں میں مینگو شیک بناتے وقت چند ٹپس کا اضافہ کریں اور بہترین ذائقے کا لطف اٹھائیں۔
گرچہ مارکیٹ میں آم کی کئی اقسام دستیاب ہیں، ان میں سے میٹھا اور ذائقہ دار مینگو شیک بنانے کے لیے سفیدہ“ کا انتخاب کریں۔
ایک گاڑھااور میٹھا مینگو شیک بنانے کے لیے، تھوڑی سی وینیلا آئس کریم کو اپنے شیک میں دودھ اور آم کے ساتھ بلینڈ کر لیں۔
آئس کیوبس کو ڈالنے کی بجائے، جو کہ مینگو شیک کو پتلا کر دیتی ہے، مینگو شیک میں شامل دیگر اجزا کے ساتھ پسی ہوئی برف بلینڈ کرلیں۔
اگر آپ کچھ نیا کرنا چاہتی ہیں توشیک کو میٹھا بنا نے اورگلاب کے ذائقے کے اضافے کے لیے تھوڑا سا روژ سیرپ ملالیں۔
مینگو شیک کو بنانے کے بعد جوں کا توں نہ پیش کر دیں، بلکہ اسے آم کے ٹکڑوں اورکچھ چوپ کیے ہوئے خشک میووں، ٹوٹی فروٹی اور چیریز کے ساتھ گارنش کریں۔
