محکمہ تعلیم خیبرپختونخوا نے سرکاری کتب کے ضیاع کی روک تھام کے لیے اسکولوں میں ٹیکسٹ بک بینک بنانے کا فیصلہ کرلیا جبکہ کتابیں ایشو کرنے اور وصولی کا اندراج رجسٹر میں کرنے کی ہدایات جاری کردی گئی۔
خیبرپختونخوا میں سرکاری اسکولوں میں طلباء کو دی جانے والی مفت کتابوں کی دیکھ بھال اور حفاظت کے لیے اسکولوں میں ٹیکسٹ بک بنک بنانے کا فیصلہ کیا گیا ہے۔
محکمہ تعلیم خیبرپختونخوا کے جاری کردہ اعلامیے کے مطابق ٹیکسٹ بک بینک کے لیے اسکولوں میں علیحدہ کمرا مختص کیا جائے، سرکاری کتابیں ایشو کرنے اور وصولی کا اندراج رجسٹر میں کرنے کی ہدایات جاری کردیں۔
ڈائریکٹر ایجوکیشن خیبرپختونخوا نے بتایا کہ ٹیکسٹ بک بینک کے لیے خصوصی طور پر ایک بندے کو تعینات کیا جائے، سرکاری کتب طلباء کا حق ہے، صرف داخل طلبہ کو کتب جاری کیے جائے۔
محکمہ تعلیم کے مطابق فیصلہ سرکاری کتب کے بازار میں دستیابی کی شکایات کے ازالے کے لیے کیا گیا، ٹیکسٹ بک بینک بنانے کا مقصد ہر بچے تک مفت کتاب پہنچانا ہے۔
