جدت کے دور نے جہاں روزمرہ کی اشیاء کی خریداری آسان بنا دی ہے وہیں آن لائن مویشی منڈیاں ایک نیا اضافہ ہے جس سے نا صرف شہری مستفید ہوسکتے ہیں بلکہ وقت، اضافی خرچ اور گرمی کی شدت سے بھی بچ سکتے ہیں۔
وزیر اعلیٰ پنجاب مریم نواز شریف عوام کی سہولت کیلئے ایک قدم اور آگے ، شہری اب عیدالاضحی پر گھر بیٹھے ہی قربانی کے جانور آن لائن خرید سکیں ۔
وزیر اعلی پنجاب مریم نواز نے عیدالاضحی کے جانوروں کی خریداری اور عوام کی سہولت کیلئے روایتی منڈیوں کے ساتھ ساتھ آن لائن مویشی منڈیاں لگانے کی بھی ہدایت کردی۔
مریم نواز نے کہا کہ آن لائن منڈیوں میں ایسے اقدامات کریں کہ شہری اپنی پسند کا جانور خرید سکیں اور مہنگا بھی نہ ہو۔
وزیراعلیٰ کی ہدایت پر پنجاب کیٹل کمپنی نے ایک ایپ تیار کرلی ہے جہاں بیوپاری جانوروں کی تصاویر اپ لوڈ کریں گے اور خریدار آن لائن جانور پسند کرکے ادائیگی بھی آن لائن ہی کرسکیں گے۔
شہریوں نے آن لائن مویشی منڈی کے اجرا کو سراہا ہے۔
