اداکارہ وہاج علی نے یمنی زیدی کے بارے میں توہین آمیز پوسٹ کرنے پر ایک فین پیج کو شدید تنقید کا نشانہ بنایا ہے۔

فین پیج نے ایک کولاج بنایا جس کے کیپشن میں اس نے لکھا، ”یمنی بھی آلو کی طرح ہراک کے ساتھ فٹ آجاتی ہے۔“

اس پر وہاج علی نے شاید یمنی کا موازنہ ورسٹائل آلو سے کرنے کے پیچھے کے معنی کو غلط سمجھا اور پوسٹ پر تبصرہ کیا کہ اسے ہٹا دیا جانا چاہئے۔

وہاج علی نے کمنٹ کرتے ہوئے لکھا کہ، برائے مہربانی اس پوسٹ کو ہٹا دیں، اگر آپ میرے مداح ہیں تو آپ کو میرے دوستوں/ ساتھیوں/ خاندان کا احترام کرنا چاہیے۔

اس کے بعدایڈمن کی طرف سے پوسٹ ہٹا دی گئی۔

یاد رہے کہ وہاج علی اور یمنی زیدی نے ہٹ ڈرامے ”تیرے بن“ میں مرکزی جوڑے کے طور پر لوگوں کا دل جیت لیا ہے۔ ”تیرے بن“ کی زبردست کامیابی کے بعد دونوں ستارے کچھ بڑے پروجیکٹس پر کام کر رہے ہیں۔ یمنی اب ”جینٹل مین“ میں ہمایوں سعید کے ساتھ اپنی کیمسٹری سے مداحوں کا دل جیت رہی ہیں۔