شکار پور میں پولیس چوکی سے 2 پولیس اہلکاروں کےاغوا کا مقدمہ درج کرلیا گیا۔ پولیس اہلکاروں کے اغوا میں اہلکارعرفان جتوئی ملوث نکلا

اس مقدمے میں پولیس اہلکارعرفان جتوئی سمیت 13 افراد نامزد ہیں۔ مقدمہ سرکار کی مدعیت میں درج کیا گیا۔

پولیس اہلکاروں کو تین دن قبل پولیس چوکی سے ڈیوٹی کے دوران اغوا کیا گیا۔ شکار پور پولیس نے ٹارگیٹیڈ آپریشن کے ذریعے دونوں اہلکاروں کو بازیاب کرالیا۔

عرفان جتوئی نے ڈاکوؤں سے مل کر پولیس اہلکاروں کو اغوا کرایا تھا۔ اسے گرفتار کرلیا گیا۔