خیرپور میں گمبٹ کے قریب نہر میں نہاتے ہوئے تین بچے ڈوب گئے۔

پولیس نے بھی بچوں کے ڈوبنے کی تصدیق کی، جب کہ ریسکیو حکام کا کہنا ہے کہ ڈوبنے والوں میں 2 بچیاں اور ایک بچہ شامل ہے۔

ریسکیو حکام کا کہنا ہے کہ ڈوبنے کے بعد 2 بچوں کی لاشیں نکال لی گئیں، ایک بچی تشویشناک حالت میں اسپتال منتقل کردی گئی۔

بچوں کے ڈوبنے کے واقعہ کے بعد متاثرہ گھروں میں کہرام مچ گیا، اہل خانہ کے ساتھ علاقہ مکین بھی افسردہ ہوگئے۔