چیئرمین پی ٹی آئی بیرسٹر گوہرعلی کا کہنا ہے کہ مولانا فضل الرحمان سے مذاکرات چل رہے ہیں وہ بہت جلد ہمارے الائنس کا حصہ ہوںگے۔ عمران خان ایک ڈیڑھ ماہ کے اندر رہا ہونگے، ایک کیس میں ضمانت ہوچکی ہے اب دو کیسز رہتے ہیں۔

راولپنڈی میں میڈیا سے گفتگو میں بیرسٹر گوہر نے کہا کہ جو لوگ جا چکے یا پریس کانفرنس کرچکے ہیں ان کی واپسی کا فیصلہ نہیں ہوا۔

پی ٹی آئی کے چیئرمین نے کہا کہ شیر افضل مروت کے ساتھ جو بھی معاملہ ہوا اسے ملکر حل کریں گے، شیر افضل مروت کا کوئی ایشو نہیں ان کو شو کاز نوٹس جاری کیا گیا تھا جس پر ان کا جواب آگیا ہے، یہ پارٹی کا اندرونی معاملہ ہے۔

انھوں نے کہا کہ ہمارے خلاف کیسز سیاسی بنیادوں پر بنائے جاتے ہیں، سیاسی کیسز مضبوط نہیں اس لیے ضمانتیں ہو رہی ہیں۔

یہ بھی پڑھیں :

اگر جلاؤ گھیراؤ ثابت نہیں ہوسکا تو ہمیں چھوڑ دیں ذلیل نہ کریں، علیمہ خان

ایک کیس میں ضمانت، پرویز الہٰی 9 مئی کے مزید 20 نئے کیسز میں نامزد

بیرسٹر گوہر علی کا کہنا تھا کہ الیکشن میں ہمارا مینڈیٹ چوری کیا گیا، پرامن احتجاج ہر شہری کا آئینی حق ہے۔

انھوں نے کہا کہ ملک میں غیر یقینی کی صورت حال ہے، مہنگائی اور دہشت گردی بڑھ رہی ہے۔