اکول دھنگرا نامی فوڈ بلاگر کو حال ہی میں نیو یارک سے دہلی جانے والی ایئر انڈیا کی پرواز میں ایک برُے تجربے کا سامنا رہا۔
فوٹو اینڈ ویڈیو شیئرنگ ایپلی کیشن انسٹاگرام پر اپنے ناخوشگوار سفر کا ولاگ شوٹ کرتے ہوئے بھارتی شخص نے جہاز میں پیش آنے والی ناگوار صورتحال کو اپنے فالوورز کے ساتھ شئیر کیا۔
فوڈ ولاگر نے اپنی ویڈیو کو ’ایئر انڈیا فلائٹ میں نیویارک سے دہلی کی پرواز ایک تباہی تھی‘ کا عنوان دیا۔
اکول دھنگرا کو بھارتی ائیرلائن میں پھٹی ہوئی خراب نشستیں، ٹوٹے ہوئے ائیرفون جیکس، ناکام انٹرٹینمنٹ سسٹم، یہاں تک کہ انہیں غیر معیاری کھانا بھی فراہم کیا گیا۔
صرف یہی نہیں بلکہ اپنے بھیانک سفر میں اکول دھنگرا کو فلائٹ کے اندر ایک لال بیگ بھی نظر آیا جس کے بعد انہوں نے عدم اطمینان کا اظہار کیا۔
مذکورہ ویڈیو تیزی سے سوشل میڈیا پر وائرل ہوئی جس پر متعدد سوشل میڈیا صارفین نے ایئر لائن کی خراب صورتحال پر برہمی کا اظہار کیا۔
