پاکستانی اداکارائیں بھی بالآخر فلسطین پر ہونے والے مظالم کے خلاف اٹھ کھڑی ہوئیں۔
اداکارہ عائزہ خان، جنہیں فلسطین کی حمایت میں نہ بولنے پر ہمیشہ تنقید کا نشانہ بنایا جاتا ہے، انہوں نے سوشل میڈیا پر مسجد اقصی کی تصویر شیئر کرتے ہوئے لکھا کہ فلسطین ہمیشہ ہمارے دلوں اور ذہنوں میں رہتا ہے۔ فلسطین کو آزاد کرو۔
اسی طرح ایمن منیب بٹ نے بھی سوشل میڈیا پر فلسطین سے یکجہتی کے اظہار کے طور پرفلسطین کا پرچم شیئر کرتے ہوئے لکھا، ’دریا سے سمندر تک– فلسطین کو آزاد کرو۔ ہم اپنے فلسطینی بھائیوں کے لیے دعاگو ہیں‘۔
یاد رہے کہ ادا کاراؤں کے یہ بیان اس وقت سامنے آئے ہیں، جب فلسطین کے حق میں آواز نہ اٹھانے والی شخصیات کے خلاف سوشل میڈیا مہم بلاک آؤٹ چلائی جا رہی ہے۔
اس لسٹ میں ہالی ووڈاسٹار سمیت کئی بھارتی ادا کاراؤں کے نام بھی شامل ہیں۔ حال ہی میں اس فہرست میں بھارتی ایکٹریس عالیہ بھٹ کا نام بھی شامل کرلیا گیا ہے۔
