ایک پاکستانی طالبِ علم نے ایسا سوفٹ ویئر تیار کیا ہے جو فائرنگ کے مقام کی بہت تیزی سے درست نشاندہی کرتا ہے۔ محمد علی کا تعلق انجینیرنگ یونیورسٹی آف مردان سے ہے۔
محمد علی کی کاوش سے استفادہ کرنے کی صورت جرائم پر قابو پانے میں خاص مدد مل سکتی ہے کیونکہ پولیس کو فائرنگ کی درست لوکیشن فراہم کیے جانے سے ملزمان کا تعاقب زیادہ آسانی سے کیا جاسکتا ہے۔
محمد علی کا کہنا ہے کہ اس کے تیار کردہ سوفٹ ویئر کی مدد سے پانچ سیکنڈ کے اندر فائرنگ کے مقام کی درست نشاندہی کی جاسکتی ہے۔
گوگل میپ کی مدد سے قانون نافذ کرنے والے اداروں کے اہلکار اپنا کام زیادہ آسانی سے اور بخوبی کر پائیں گے۔
انجینیرنگ یونیورسٹی آف مردان کے ایک اور باصلاحیت طالب علم نے بجلی سے چلنے والی ایسی وھیل چیئر تیار کی ہے جسے صرف ذہن کے ذریعے کنٹرول کیا جاسکے گا۔
عادل باچا کا کہنا ہے کہ یہ وھیل چیئر اُن افراد کے لیے تیار کی گئی ہے جن کا جسم فالج کے باعث حرکت نہیں کرسکتا۔ عادل باچا نے کہا کہ یہ وھیل چیئر اُن لوگوں کے لیے زیادہ کارگر ثابت ہوگی جو بول بھی نہ پاتے ہوں۔
یہ بھی پڑھیں :
پشاوریونیورسٹی کےنابینا طلبعلم عمیر طیب کا شاندار کارنامہ
خیبرپختونخوا میں ایم ڈی کیٹ کے غیرمعمولی نتائج نے شبہات پیدا کردیے
