گھروں میں خوانخوار جانور پالیں لیکن احتیاط تدابیر اپنانے سے بھی گریز نہ کریں کیونکہ حال ہی میں ایک پاکستانی کانٹینٹ کریٹر پر چیتے نے حملہ کیا جس کی ویڈیو سوشل میڈیا پر وائرل ہوگئی۔

نعمان حسن نامی پاکستانی کانٹینٹ کریٹر جنہوں نے اپنے گھر میں شیر، مگرمچھ اور سانپ جیسے کئی خطرناک جانور پال رکھے ہیں انہوں نے اپنے سوشل میڈیا ہینڈل پر ایک ویڈیو پوسٹ کی جس میں دیکھا جا سکتا ہے کہ نعمان ایک شخص کے ساتھ صوفے پر بیٹھے ہیں اور ان کے ساتھ چیتا بھی موجود ہے۔

جیسے ہی نعمان چیتے کےسر پر ہاتھ پھیر کر پیار کرتے ہیں تو اچانک چیتا ان کے کان پر پنجہ مارا دیتا ہے جس کے بعد وہ اٹھ کھڑے ہو جاتے ہیں ۔

ویڈیو وائرل ہونے کے بعد سوشل میڈیا صارفین نے ویڈیو پر تبصرہ کرتے ہوئے کہا کہ شکر کریں چیتے نے صرف پنجہ مارا ہے، کاٹا نہیں۔

واضح رہے کہ نعمان حسن کے انسٹاگرام پر 2 ملین سے زیادہ فالوورز اور یوٹیوب پر 9.35 ملین سبسکرائبرز ہیں۔