اسلام آباد کے شہری کی بہادری، اکیلے دو ڈاکوؤں سے لڑکر ایک کو قابو کر لیا،ملزمان نے گیراج میں شہری سے رقم چھیننے کی کوشش کی تو دوران ہاتھا پائی ایک ڈاکو کو گرا کر پسٹل چھین لیادوسرا بھاگ نکلا۔
اسلام آباد سیکٹر جی ٹین ٹو کا رہائشی بینک سے رقم نکلواکر نکلا تومسلح موٹرسائیکل سوار دو ڈاکوؤں نے گھر تک شہری کا تعاقب کیاملزمان نے گیراج میں جاکر شہری سے رقم چھینے کی کوشش کی تو اس دوران ہاتھاپائی شروع ہوگئی۔
شہری نے ایک ڈاکو کو گراکر پسٹل چھین لیا اوردوسرے ڈاکو کو بھی پسٹل دکھاکر بھاگنے پر مجبور کردیاپیچھے سے دیگر آنے والوں افراد نے نیچے گرے ہوئے ڈاکو کو قابو کرلیا شہریوں نے ڈاکو کو پولیس کے حوالے کردیا۔
اسلام آباد پولیس کے مطابق ملزم سابقہ ریکارڈ یافتہ اور تھانہ انڈسٹریل ایریا کے مقدمہ میں چالان یافتہ ہے۔ملزم کے ساتھی کی گرفتاری کے لئے کارروائیاں جاری ہیں۔ملزم کو تھانہ منتقل کرکے مزید تفتیش شروع کردی گئی ہے۔
