تزین حسین لیجنڈری اداکارطلعت حسین کی بیٹی ہیں۔ وہ خود بھی ایک اداکارہ رہی ہیں، لیکن بعد میں انہوں نے خود کو اپنے بچوں کے لئے وقف کرلیا تھا اور اپنے تدریسی کیریئر پر توجہ مرکوز کی۔ اب انہوں نے ”جرم“، ”یونہی“، ”لیٹس ٹرائی محبت“ اور فلم ”دغاباز دل“ کے ساتھ مضبوط واپسی کی ہے۔
انہوں نے حال ہی میں بتایا تھا کہ ان کے والد اب ڈیمنشیا میں مبتلا ہیں اور انہوں نے انکے مداحوں سے ان کی صحتیابی کے لیے دعا کی اپیل کی تھی۔ طلعت صاحب کے مداحوں نے انہیں دعائیں بھیجی اور اللہ تعالیٰ کے فضل و کرم سے وہ اب بہتر محسوس کر رہے ہیں۔
طبی حالات کے بارے میں ہمارے رویے میں تبدیلی کے بارے میں بات کرتے ہوئے، تزین نے بتایا کہ بچپن میں انہوں نے اپنے خاندان میں عمر رسیدہ افراد کو دیکھا تھا جو ڈیمنشیا میں مبتلا تھے۔ لیکن ان دنوں لوگ اس حالت کا نام نہیں جانتے تھے۔ ان کے ساتھ معمول کے مطابق سلوک کیا جاتا تھا اور خاندان ان کی حالت کے ساتھ ایڈجسٹ ہوتے تھے۔
اب حالات بدل چکے ہیں کیونکہ جب اس طرح کی کسی چیز کی تشخیص ہوتی ہے تو لوگ زیادہ کلینیکل ہو جاتے ہیں ۔اب ہمیں کچھ ثقافتی رویوں کو واپس لانے کی ضرورت ہے جو ہم نے ماضی میں اس طرح کے حالات سے نمٹنے میں کیے تھے۔
انہوں نے اپنے والد کی تشخیص کے بعد ان مشکلات کے بارے میں بھی کھل کر بات کی جن سے ان کی والدہ کو گزرنا پڑتا ہے۔ وہ ان کی بنیادی دیکھ بھال کرنے والی خاتون ہیں اور پوری فیملی اس کوشش میں شامل ہے۔ لیکن ان کی والدہ ایک کل وقتی پروفیسر رہی ہیں۔
انہوں نے کہا کہ ان کے والد کے ڈاکٹر نے انہیں مشورہ دیا کہ، وہ اپنی والدہ کی بھی دیکھ بھال کریں اور ان سے پوچھیں کہ وہ کیسا محسوس کر رہی ہیں۔ لہذا وہ اب اپنی ماں کے بارے میں بھی فکر مند ہے اور اپنے والد کے ساتھ ان کے بارے میں پوچھتی رہتی ہے۔
