اکثر سوشل میڈیا پر مسافر طیاروں اور مسافروں کے حوالے سے دلچسپ اور حیرت انگیز معلومات موجود ہیں، تاہم کچھ ایسی ہوتی ہیں جو کہ سب کو حیران بھی کر دیتی ہیں۔
حال ہی میں سوشل میڈیا پر ایک مسافر طیارے کی ویڈیو نے توجہ حاصل کر لی ہے، جس کے اندرونی حصے میں مسافر جوڑا اپنی شادی کی ریہرسل میں مگن تھا۔
ساؤتھ ویسٹ ایئر لائنز کی پرواز میں دلہن پریشان تھیں کہ اسی دوران کیبن کریو کی جانب سے کچھ ایسا کیا گیا جس نے دلہن کے چہرے پر بھی مسکراہٹ بکھیر دی۔
نیو یارک کی جانب پرواز کرتی اس فلائٹ میں جیک اور دلہن کیلی موجود تھیں، تاہم کیلی اپنی متوقع شادی کو لے کر پریشان تھیں، کہ اسی دوران ایئر ہوسٹس نے ہوا میں اڑتے جہاز میں ہی کیلی اور جیک کی شادی کرانے کا فیصلہ کر لیا۔
اس حوالے سے باقاعدہ طور پر خاتون کو ٹیشو پیپر رول کا ایک تاج پہنایا گیا، جس کہ سفید رنگ کے دلہن کے لباس کی ترجمانی کر رہا تھا۔
اگرچہ دلہن اور دلہے نے عام کپڑے پہنے ہوئے تھے، تاہم اس کے باوجود روایتی طریقے کار کے تحت دونوں سے فلائٹ اٹینڈینٹ نے رضامندی پوچھی اور پھر ایک دوسرے کو انگوٹھی پہنا دی۔
اس دلچسپ پر ویڈیو پر صارفین کی جانب سے دلچسپ ردعمل کا اظہار کیا جا رہا ہے۔
