بھارتی مسافر بردار طیارے میں بم رکھے جانے کی اطلاع پر کھلبلی مچ گئی۔ مسافر شدید بدحواسی میں جہاز سے اترنے لگے۔ انتظامیہ نے صورتِ حال کو بمشکل کنٹرول کرکے تمام مسافروں کو دوسرے طیارے سے روانہ کیا۔

نئی دہلی سے بڑودا (گجرات) جانے والی ایئر انڈیا کی پرواز کے ٹوائلیٹ میں کسی نے پرواز سے چند لمحات پیشتر بم کی دھمکی والا نوٹ لگایا۔ نوٹ میں لکھا تھا کہ طیارے میں بم نصب کیا جاچکا ہے۔

جہاز کے عملے نے اس نوٹ کے بارے میں مسافروں کو جیسے ہی بتایا سب نے بھاگنا شروع کردیا۔ ایئر پورٹ پر سیکیورٹی والوں کو الرٹ کردیا گیا تھا۔

مسافروں کو نکالنے کے بعد بم ڈسپوزل اسکواڈ نے طیارے کی جامع تلاشی لی تاہم کوئی بم یا دھماکا خیز مواد برآمد نہیں ہوا۔