عارف والا میں ڈاکوؤں نے خواجہ سراؤں سے گاڑی،نقدی، طلائی زیورات لوٹ لیے۔ پولیس نے دو ڈاکوؤں کو گرفتار کرلیا۔

خواجہ سرا حاصل پور سے اوکاڑہ جارہے تھے کہ عارف والا بائی پاس سے سات مسلح ڈاکووں نے اسلحہ کی نوک پر کار،موبائل، نقدی طلائی زیورات لوٹ لیے۔ ملزمان انہیں اغوا کرکے لے گئے جہاں خواجہ سراوں کو تشدد کا نشانہ بناکر بدفعلی کی کوشش بھی کی۔

ورچوئل ویمین پولیس اسٹیشن پر خواجہ سراؤں کی کال موصول ہوئی تو پولیس مُتحرک ہوگئی۔ پولیس نے ناکہ بندی کی اور گاؤں 66 ای بی کے نزدیک مشکوک گاڑی کو روکا تو ڈاکوؤں نے پولیس پر فائرنگ کردی۔ پولیس نے دو ڈاکوؤں کو گرفتار کرلیا اور چھینی گئی کار، نقدی اور زیورات برآمد کرلیے۔ دیگر ملزمان کی گرفتاری کے لیے چھاپے مارے جارہے ہیں۔

بورے والا میں ساہوکا کے مقامی تاجر کو لوٹ لیا گیا۔ دو مسلح ملزم 13 لاکھ روپے لُوٹ کر فرار ہوگئے۔ تاجر نجی بینک سے رقم نکلواکر گاؤں جارہا تھا۔