سابق اسسٹنٹ کمشنر ہاظم بنگوار نے حالیہ دنوں ایک ایوارڈز کی تقریب میں شرکت کی جہاں وہ اپنے منفرد لباس کی وجہ سے توجہ کا مرکز بن گئے ساتھ ہی انہیں ان کے فیشن سینس کی وجہ سے خاصی تنقید کا سامنا ہے۔ اب ہاظم بنگوار نے اپنے ناقدین کو کرارا جواب دیا ہے۔

ہاظم بنگوار کو سوشل میڈیا پلیٹ فارم پر تنقید کا نشانہ بنایا گیا اور مشورہ دیا گیا کہ وہ اپنے سرکاری عہدے کا احترام کریں۔ اسی طرح کے دیگر تنقید پیغامات کے بعد انہوں نے انسٹا گرام پر کہا کہ ’میں اپنے پیشہ ورانہ امور کی ذمہ داریوں سے اچھی طرح واقف ہوں اور پوری ایمانداری سے فرائض ادا کررہا ہوں۔

انہوں نے ’لوگوں‘ کو مخاطب کرکے کہا کہ کیوں بھول چکے ہیں کہ میں ایک انسان بھی ہوں اور اپنی زندگی مرضی کے مطابق گزارنے کا حق ہے’۔

ہاظم بنگوارنے ’افسر شاہی‘ سے متعلق کہا کہ میں اپنی پرتعیش زندگی چھوڑ کر عوامی خدمت کیلیے افسرشاہی کا حصہ بنا اور اب اس کی قیمت ادا کررہا ہوں، ہر گزرے روز مجھے میرے لباس اور انداز گفتگو پر ٹرولنگ اور نامناسب رویوں کا سامنا رہتا ہے۔