کراچی کے علاقے سپرہائی وے جمالی پل کے قریب ڈاکوؤں کی فائرنگ سے نجی یونیورسٹی کا طالب علم جاں بحق ہوگیا، مقتول نوجوان کا ماموں بھی فائرنگ سے زخمی ہوا جبکہ دوران واردات مقتول کی فائرنگ سے ایک مبینہ ڈاکو ہلاک ہوگیا۔

کراچی کےعلاقے سپرہائی وےجمالی پل کےقریب دوران ڈکیتی مزاحمت پرفائرنگ سے نجی یونیورسٹی کاطالب علم 22سالہ شیخ محمد نہال جاں بحق ہوگیا، موٹرسائیکل پر مقتول کےہمراہ سوار اس کا ماموں ایاز بھی ڈاکووں کی فائرنگ سے زخمی ہوا جبکہ مزاحمت کے دوران مقتول نےاپنےماموں کی پستول سے ڈاکوؤں پرفائرنگ کی جس کےنتیجےمیں ایک ڈاکو موقع پر ہلاک ہوگیا۔

اس حوالے سے پولیس کادعوی ہے کہ ہلاک ڈاکو کا ساتھی بھی زخمی حالت میں فرار ہوا، مقتول نہال کے لواحقین کے مطابق مقتول ماں باپ کا اکلوتا بیٹا اورنارتھ ناظم آباد کا رہائشی تھا۔

ڈاکوؤں کی فائرنگ سے زخمی مقتول کے ماموں کو طبی امدادکے لیے نجی اسپتال منتقل کیا گیا۔