آسٹریلیا میں تعلیم کے خواہشمند طلبا کے لیے بری خبر آگئی ہے۔ حصولِ تعلیم کے لیے آسٹریلیا جانے والے طالب علموں کے لیے شرائط مزید سخت کر دی گئی ہیں۔
غیر ملکی خبررساں ادارے کی رپورٹ کے مطابق آسٹریلیا میں 10 مئی کو لاگو کئے گئے نئے قواعد اور ضابطوں کے تحت طالب علموں کو ویزا کے حصول کے لیے کم از کم 29 ہزار 710 آسٹریلوی ڈالر (تقریباً 55 لاکھ پاکستانی روپے) درکار ہوں گے۔
جاپان میں مفت رہائش اور تعلیم حاصل کرنے کا سنہری موقع
یعنی آسٹریلیا جا کر تعلیم حاصل کرنے والے پاکستان طلبا کو اپنے بینک اکاؤنٹس میں 55 لاکھ روپے ظاہر کرنا ہوں گے۔
آسٹریلوی حکومت کی جانب سے طلبا کے لیے ویزوں کے اجرا پر بینک فنڈز کی کم سے کم حد میں گزشتہ 7 ماہ میں دوسری مرتبہ اضافہ کیا گیا ہے۔
