لاہور کے چلڈرن اسپتال کی تزئین وآرائش کی سزا مریض بچوں کو ملنے لگی ہے، اسپتال کی تزئین وآرائش کے دوران اے سی کی وائرنگ ہی نہیں کی گئی۔
اے سی کی وائرنگ نہ ہونے کے باعث اسپتال میں ایمرجنسی، میڈیکل یونٹس، او پی ڈی اور کینسر وارڈ کا کولنگ سسٹم بند ہے۔
اسپتال میں ہوا کے گزر کا بھی انتظام موجود نہیں ہے، ائیر کنڈیشننگ سسٹم بند ہونے سے مریض بچے بےحال ہوگئے۔
اے سی کی وائرنگ کا کام رواں ماہ کے آخر تک ہونے کا امکان ہے، وائرنگ نہ ہونے تک مریض بچوں کے مزید بیمار ہونےکا خدشہ ہے۔
