کراچی میں اے وی ایل سی نے کارروائی کرتے ہوئے، کار،موٹرسائیکل لفٹرگینگ کے6 کارندوں کو گرفتار کر لیا ۔
ایس ایس پی اے وی ایل سی سی آئی اے عارف اسلم راو نے پریس کانفرنس کرتے ہوئے بتایا کہ اے وی ایل سی نے وہیکل کرائم کی روک تھام میں اہم کامیابیاں حاصل کی ہے ، موٹرسائیکل اسنیچنگ 12 ماہ کی کم ترین سطح پر پہنچ گئی، اے وی ایل سی نے کراچی میں کارروائی کرتے ہوئے کار اور موٹر سائیکل لفٹر گینگ کے چھ کارندے گرفتار کیا ہے۔
ایس ایس پی کے مطابق ملزمان کرایے پرگاڑی لے کرڈپلیکیٹ چابی بنالیتے تھے اور کارواپس کرتے وقت ٹریکرلگا دیتے کار چوری کرکے چیسس اور انجن نمبر تبدیل کردیا جاتا تھا۔ سوشل میڈیا او ایل ایکس پر معصوم لوگوں کو کاریں فروخت کی جاتی ہیں۔
پولیس کے مطابق اپریل میں موٹرسائیکل اسنیچنگ لفٹنگ میں واضح کمی ہوئی ہے ، نئی موٹرسائیکلیں چھیننے والے گروہ کے ملزمان کو گرفتار کیا گیا ہے ، ملزمان سے 2 لاکھ کیش 2 نئی موٹرسائیکلیں برآمد کی گئی ہیں جبکہ گرفتار ملزمان نے موبائل ایپ سے 5 لاکھ ٹرانسفر کیے تھے ۔
پولیس کا مزید کہنا تھاکہ بن قاسم سے اسلحے کے زور پر ٹرالہ چھیننے والا مرکزی ملزم ، تھانہ ملیر کینٹ کی حدود سے سوزوکی اور ٹرک چھینے والے 3 ملزمان گرفتار کر لئے گئے ہیں۔
ایس ایس پی کے مطابق ملزمان کو حب ساکران سے پکڑا اور گاڑیاں برآمد کی گئی، پنجاب کا بدنام زمانہ کارلفٹر اور کراچی پولیس کو انتہائی مطلوب ملزم بھی گرفتارہوا، ملزم کراچی میں ان گنت کاریں چوری کرچکا ہے، ملزم سے ٹریکر ناکارہ بنانے والا جیمرنمبرپلیٹس اور دیگر اوزار برآمد کر لیا گیا ہے۔
