پنجاب میں آج بھی پارہ ہائی ہے۔ لاہور سمیت مختلف شہروں میں گرمی کی شدت میں اضافہ ہوتا جا رہا ہے۔
سورج کی تپش میں بچوں کے لیے اسکول جانا اور واپس آنا بھی مشکل ہے۔
لاہور شہر میں درجہ حرارت بڑھنے کی وجہ سے بچوں کی طبیعت بھی خراب ہو رہی ہے۔
یاد رہے کہ گزشتہ روز پی ڈی ایم اے کے ترجمان نے کہا تھا کہ پنجاب کے میدانی علاقوں میں ہیٹ ویو کا خطرہ زیادہ ہے۔ لوگوں سے کہا گیا ہے کہ احتیاطی تدابیر اختیار کریں اور دن کے وقت غیر ضروری طور پر گھروں سے نہ نکلیں۔
پنجاب کے بیشتر اضلاع میں آج سے 12 مئی کے درمیان بارش کی بھی پیشگوئی ہے۔
