لاہور پولیس نے شہریوں کو خنجر دکھا کر لوٹنے والے 2 رکنی خنجر گروپ کو گرفتار کر لیا۔

لاہور پولیس کی اسپیشل فورس ڈولفن ٹیم نے خفیہ کاروائی کرتے ہوئے خنجر نامی گروپ کو گرفتار کیا جو شہریوں کی جان کا عذاب بنے ہوئے تھے۔

ملزمان شہریوں کو تیز دھار آلہ یا خنجر سے دھمکا کر ان سے لوٹ مار کرتے تھے۔ ملزمان کی شناخت عثمان اور شریف کے ناموں سے ہوئی ہے۔

دوسری جانب پولیس گلشن راوی نے ’’بٹیر کانیا‘‘ نامی موٹرسائیکل چور گینگ کے دو کارندوں کاشف عرف اور مشتاق کو گرفتار کرلیا۔