وزیراعظم محمد شہباز شریف نے ولادی میر پیوٹن کو 5 ویں بار روس کا صدر منتخب ہونے پر مبارکباد دی ہے۔

بدھ کو سماجی رابطے کی ویب سائٹ ایکس (ٹوئٹر) پر اپنی پوسٹ میں وزیراعظم شہباز شریف نے کہا کہ ولادی میر پیوٹن نے پانچویں بار صدر کی حیثیت سے روس کی قیادت کی ذمہ داری سنبھالی ہے، ان کو دلی مبارکباد پیش کرتا ہوں۔

وزیراعظم نے کہا کہ میں پاکستان اور ہمارے دونوں ممالک کےعوام کے باہمی مفاد کے لیے روس کے ساتھ تعاون کو بڑھانے کے لیے صدر پیوٹن کے ساتھ مل کر کام کرنے کا منتظر ہوں۔