لاہور میں نان بائیوں کےانتظامیہ سے مذاکرات کامیاب، نان بائی ایسوسی ایشن نے آج کی ہڑتال ختم کردی۔

نان روٹی ایسوسی ایشن کے صدر کے مطابق متحدہ نان روٹی ایسوسی ایشن نے ہڑتال ختم کرنے کا اعلان کر دیا ہے کیونکہ ہمارے بیشتر مطالبات مان لئے گئے، کل تندور بند نہیں کریں گے۔

انہوں نے کہا کہ آٹے کا تھیلہ 20 کلو 1700 روپے میں ملے گا، ہم بھی روٹی 16 روپے فروخت کریں گےتاہم نان کی قیمت پر بات چیت کچھ روز بعد دوبارہ ہو گی۔

صدر نان روٹی ایسوسی ایشن نے کہا کہ ہم بھی عوام کو بلا وجہ تکلیف نہیں دینا چاہتے تھے، آٹا سستا ہو گا تو آگے بھی روٹی سستی فروخت کرتے رہیں گے۔