نومنتخب گورنر خیبرپختونخوا فیصل کریم کنڈی نے ان خبروں کی تردید کردی کہ کے پی کے میں گورنر راج لگنے والا ہے۔
مزارقائد پرحاضری کے بعد میڈیا سے گفتگو کرتے ہوئے انہوں نے کہا کہ خیبرپختونخوا میں گورنر راج لگانے کی کوشش نہیں کر رہے، صوبے کی گورننس زیادہ بہتر نہیں ہے۔
انہوں نے مزید کہا کہ امن و امان کی صورتحال ٹھیک نہیں ہے، سیکیورٹی فورسز پر حملے ہورہے ہیں، کوشش ہوگی صوبے کا وکیل بنوں۔
ان کا کہنا تھا کہ کے پی کےعوام کا اسلام آباد میں مقدمہ لڑوں گا، عوام کو سہولیات کی فراہمی یقینی بنانا ترجیح ہوگی۔
