کہتے ہیں پیار اور جنگ میں سب کچھ جائز ہے، لیکن بعض اوقات کچھ لوگ محبت میں اتنے اندھے ہوجاتے ہیں کہ رشتوں کا تقدس بھول جاتے ہیں۔
ایسا ہی ایک معاملہ بھارتی ریاست بہار کے ضلع پورنیہ سے سامنے آیا، جہاں ایک بھانجی نے اپنے ماموں کے ساتھ بھاگ کر شادی کرلی۔
معاملہ سامنے آنے کے بعد لڑکی کے اہلِ خانہ نے قصبہ تھانے میں تحریری شکایت دی جس پر پولیس نے ملزم ماموں ”مٹھو“ اور بھانجی کو حراست میں لے لیا ہے۔
لڑکی کے والد نے بھارتی ذرائع ابلاغ کو بتایا کہ 22 ستمبر کو ان کی اسکول میں پڑھنے گئی تھی، وہاں سے واپس آتے ہوئے بھائی کے سالے یعنی لڑکی کا چچا زاد ماموں اسے اپنی موٹر سائیکل پر لے گیا۔
والد کے مطابق اس کے بعد ماموں مٹھو نے اپنی بھانجی کا جعلی سرٹیفکیٹ بنایا اور نوٹری کے پاس جا کر شادی کرلی۔
پیسوں کے عوض بیٹی کا سودا، سارا نے اپنے والد سیف علی خان کو لائیو شو میں جھاڑ دیا
لڑکی کے چچا کا کہنا ہے کہ میری بھتیجی اسکول سے واپس آرہی تھی کہ میرے بھائی کے سالے مٹھو کمار نے اپنے دوستوں کے ساتھ مل کر اسے سبھاش چوک کے قریب سے اغوا کرلیا، پھر بہلا پھسلا کر شادی کرلی۔
دوسری جانب لڑکی کا کہنا ہے کہ اس کا ماموں اس کا شوہر ہے اور وہ صرف اس کے ساتھ رہنا چاہتی ہے۔
فی الحال پولیس ان دونوں سے پوچھ گچھ کر رہی ہے۔
ساس نے داماد سے شادی کرلی، سسر رسومات میں شریک
پولیس نے مٹھو کے خلاف درج ایف آئی آر پر ابتدائی طور پر کوئی کارروائی نہیں کی، لیکن 8 ماہ بعد پولیس نے دونوں کو ڈھونڈ نکالا۔
