چیئرمین تحریک اںصاف بیرسٹر گوہر نے سپریم کورٹ کی جانب سے مخصوص نشستیں سے متعلق سپریم کورٹ کے فیصلے کا خیرمقدم کرتے ہوئے کہا ہے کہ دیگرجماعتوں کو دی جانےوالی مخصوص نشستیں سنی اتحادکونسل کا حق تھا، ہماری اٹھہتر مخصوص نشستیں دیگر جماعتوں کو دی گئیں۔
بیرسٹر گوہر نے اسلام آباد میں میڈیا سے گفتگو میں کہا آئین کےمطابق کسی جماعت کو اس کی جیتی گئی سیٹوں سے زیادہ مخصوص نشستیں نہیں مل سکتیں۔
انہوں نے مزید کہا کہ سپریم کورٹ کا فیصلہ ہمارے موقف کی تائید ہے، الیکشن کمیشن کا آرڈر غیر آئینی تھا،حکومت دوتہائی اکثریت سے محروم ہوگئی۔
بیرسٹرگوہر نے مزید کہا کہ اس فیصلے کا مذاکرات سے کوئی تعلق نہیں، ہمارے کسی کے ساتھ کوئی مذاکرات نہیں ہو رہے، جب کسی سےمذاکرات ہوں گے تو ضرور بتائیں گے، کسی بھی جج کو ایکسٹینشن نہیں ملنی چاہیے۔
