30 ویں سلطان اذلان شاہ ہاکی کپ میں پاکستان نے دلچسپ مقابلے کے بعد میزبان ملائشیا کو شکست دے دی ۔
ملائشیا کے شہر ایپو میں کھیلے جانیوالے کپ کے افتتاحی میچ میں پاکستان اور میزبان ٹیم ملائشیا کے درمیان سنسنی خیز مقابلہ ہوا، جس میں پاکستان نے پانچ چار سے فتح سمیٹی۔
ایف آئی ایچ فائیو سائیڈ ہاکی ورلڈ کپ: پاکستان نے آسٹریلیا کو شکست دیدی
پاکستان کی جانب سے محمد سفیان خان نے 9ویں، 50 ویں اور 58 ویں منٹ میں پینلٹی کارنر کے ذریعے گول کر کے ہیٹرک کی۔
53 ویں منٹ میں زکریا حیات اور آخری منٹ میں ابوبکر نے فیصلہ کن فیلڈ گول اسکور کر کے پاکستان کو جیت سے ہمکنار کیا۔
جبکہ ملائشیا کی جانب سے ابو کمال نے ہیٹرک کی جبکہ شیلو نے ایک فیلڈ گول کیا۔
پاکستان اپنا دوسرا میچ اتوار کو جنوبی کوریا کے خلاف کھیلے گا۔
انٹرنیشنل ہاکی فیڈریشن کے مطابق سلطان اذلان شاہ کپ میں چھ ٹیمیں حصہ لے رہی ہیں جن میں کینیڈا، جاپان، ملائیشیا، نیوزی لینڈ، پاکستان اور جنوبی کوریا شامل ہیں۔
وفاقی حکومت نے قومی ہاکی ٹیم کو بڑا ریلیف فراہم کردیا
جاپان کے علاوہ باقی پانچ ٹیمیں یہ ٹورنامنٹ ختم ہونے کے فوراً بعد ایف آئی ایچ ہاکی مینز نیشن کپ میں شرکت کے لیے پولینڈ روانہ ہوجائیں گی۔
