کراچی کے علاقے بہادرآباد میں پراسرار فائرنگ سے شہری کے زخمی ہونے کا واقعہ سامنے آنے آگیا پولیس نے واقعہ کی ذمہ داری سے انکار کر دیا ایس پی جمشید کوارٹر کہتے ہیں کسی پولیس اہلکار نے فائرنگ نہیں کی۔
بہادر آباد کوکن گراؤنڈ کے قریب پراسرار فائرنگ سے ایک شخص زخمی ہو گیا۔ زخمی شخص کو طبی امداد کیلئے اسپتال منتقل کردیاگیا۔
ضیاء الرحمان نامی شہری نے دعویٰ کیا کہ مجھےپولیس اہلکاروں نے رکنے کا اشارہ کیا،اورفائرنگ کردی جس کے بعد پولیس اہلکار فرار ہوگئے۔
پراسرار فائرنگ کے معاملے پر ایس پی جمشید کوارٹر کا موقف بھی سامنے آگیا ۔ ایس پی جمشید کوارٹر کے مطابق فائرنگ کا واقعہ لوٹ مار کا نہیں ہے،کسی پولیس اہلکار نے فائرنگ نہیں کی۔
خواجہ سرا نے ’تلخ کلامی‘ پر فائرنگ کر کے ایک شخص کو قتل کردیا
پولیس کے مطابق زخمی شخص ضیاء الرحمان3ساتھیوں کےساتھ جارہاتھاکہ ڈبل کیبن گاڑی میں سوار مسلح ملزمان آئے اور ضیاء الرحمان اورساتھیوں کوگاڑی میں ڈالنےکی کوشش کی، شہریوں کی مزاحمت پرفائرنگ سے ضیاءالرحمان کو زخمی ہو گیا جبکہ مسلح ملزمان زخمی شخص کےساتھی کوساتھ لےگئے۔
