سیکرٹری داخلہ پنجاب نے سنٹرل جیل ڈیرہ غازی خان کا دورہ کیا، انتظامات کا جائزہ لیا اور قیدیوں سے مسائل دریافت کئے۔
جیل پہنچنے پر سیکرٹری داخلہ کو جیل وارڈنز نے گارڈ آف آنر پیش کیا اور سیکیورٹی اقدامات،قیدیوں کو فراہم کردہ سہولیات کے حوالے سے بریفنگ دی گئی۔
سیکرٹری داخلہ پنجاب نورالامین مینگل کے ڈیرہ غازی خان جیل دورے کے بعد بڑے فیصلے سامنے آگئے۔ نور الامین مینگل نے احکامات جاری کئے کہ قیدیوں کے کھانے کا مینیو ہر تین ماہ بعد تبدیل ہو گا جیل باورچی خانہ کی صفائی اور کھانے کا معیار مہینہ میں ایک بار فوڈ اتھارٹی لازمی چیک کرے گی جبکہ جس کی علاقہ کی جیل ہو گی وہاں کا مقامی خانسامہ قیدیوں کے لیے کھانا بنائے گا۔
سیکرٹری داخلہ پنجاب نے کہا کہ میں نے بہاولپور، رحیم یار خان سمیت ساؤتھ پنجاب کی تمام جیلوں کا خود دورہ کیا پنجاب کی ہر جیل میں اعلی کوالٹی کارپٹ بنانے کا کام شروع کیا جا رہا ہے۔ ہم قیدیوں کی فلاح اور خاندان کی کفالت میں بہتری کے لیے جامع منصوبہ لا رہے ہیں۔
