گرمی کے ستائے کراچی کے شہریوں کیلئے محکمہ موسمیات نے نوید سنادی ہے۔

شہر قائد کا آج صبح کم سے کم درجہ حرارت 27 ڈگری سینٹی گریڈ ریکارڈ کیا گیا۔

محکمہ موسمیات کے مطابق زیادہ سے زیادہ درجہ حرارت 36 ڈگری تک جائے گا، جب کہ ہوا میں نمی کا تناسب 75 فیصد ہے۔

شہر میں جنوب مغربی سمت سے 19 کلو میٹر فی گھنٹہ کی رفتار سے ہواؤں کا سلسلہ جاری ہے۔

کراچی میں ہلکے بادلوں کا راج ہے اور سمندری ہوائیں بحال ہوگئی ہیں۔

محکمہ موسمیات کا کہنا ہے کہ شہر قائد میں آج گرمی کی شدت میں کمی آئے گی۔