موسم گرما اگرچہ دھوپ میں تفریح کا وقت ہے، لیکن یہ ہیٹ اسٹروک کا خطرہ بھی لاتا ہے، خاص طور پر بچوں کے لئے۔
جیسے جیسے درجہ حرارت میں اضافہ ہو رہا ہے، ملک میں گرمی کی لہریں دیکھی جا رہی ہیں، جو 3 سے 15 سال کی عمر کے نوجوانوں اور بعض اوقات چھوٹے بچوں کو بھی پانی کی کمی کے خطرے سے دوچار کر رہی ہیں۔
بحیثیت والدین گرمی کے مہینوں کے دوران چھوٹے بچوں کو محفوظ اور ٹھنڈا رکھنے کے لئے اقدامات کرنا ضروری ہے۔
یہاں بچوں میں ہیٹ اسٹروک کو روکنے کے لئے 5 آسان اور مؤثر طریقے بیان کئے جارہےہیں۔ ان سے فائدہ اٹھائیں، اور ان ننھی کونپلوں کو گرم ہوا کے تھپیڑوں سے محفوظ رکھیں۔
بچوں میں ہیٹ اسٹروک کو روکنے کے بہترین طریقوں میں سے ایک یہ ہے کہ انہیں اچھی طرح سے ہائیڈریٹ رکھا جائے۔
اپنے بچوں کو دن بھر میں مناسب مقدار میں پانی پینے کی ترغیب دیں، خواہ انہیں پیاس نہ لگ رہی ہو۔ آپ پانی میں لیموں یا کھیرے جیسے پھلوں کے ٹکڑوں کو شامل کرکے اسے مزیدار بنا سکتی ہیں۔
بچے اکثر پانی کے استعمال کو نظر انداز کرتے ہیں، خاص طور پر جب وہ باہر کھیل رہے ہوتے ہیں۔ کافی مقدار میں پانی پینے اورمیٹھے مشروبات سے پرہیز کرنے سے آپ کو بچوں کو ہائیڈریٹ اور صحت مند رکھنے میں مدد ملے گی۔
موسم کی پیشگوئی پر توجہ دیں اور اس کے مطابق اپنے دن کی منصوبہ بندی کریں۔
دن کے گرم ترین حصے کے دوران ، عام طور پر صبح 10 بجے سے شام 4 بجے کے درمیان بیرونی سرگرمیوں کو شیڈول کرنے سے گریز کریں۔
اگر آپ کو باہر جانے کی ضرورت ہے تو، سایہ دار مقامات کی تلاش کریں جہاں آپ کے بچے دھوپ سے وقفہ لے سکیں۔
اپنے بچوں کو ہلکے پھلکے، ڈھیلے کپڑے پہنائیں، جو سوتی جیسے کپڑوں سے بنائے گئے ہوں۔ ہلکے رنگ کے کپڑے، سورج کی شعاعوں سے بچا کر انہیں ٹھنڈا رکھنے میں مدد دیتے ہیں۔اپنے چہرے اور آنکھوں کو دھوپ سے بچانے کے لئے ہیٹ اور چشمے کا استعمال مت بھولیں۔
ایسی سرگرمیوں سے بچنے کی کوشش کریں، جو آپ کے بچوں کو پسینہ سے شرابوریا زیادہ گرم کردیں، خاص طور پر دن کے گرم ترین حصے کے دوران۔
اس کے بجائے ، انڈور کھیل یا پانی پر مبنی سرگرمیوں جیسے تیراکی کا انتخاب کریں۔
اگر آپ باہر ہیں تو ، سایہ میں بار بار وقفہ لیں اور اپنے بچوں کو آرام کرنے اور ہائیڈریٹ کرنے کی ترغیب دیں۔
انہیں کھیل کے اوقات میں وقفہ لینے کی ترغیب دیں۔ دن میں کم از کم 13 گلاس پانی پینے کا ہدف رکھیں۔
پھل نہ صرف لذیذ ہوتے ہیں بلکہ بچوں کو ہائیڈریٹ رکھنے کے لئے بھی بہترین ہوتے ہیں۔
اپنے بچوں کو تربوز، اسٹرابیری اور خربوزے جیسے پانی سے بھرپور پھلوں پر ناشتہ کرنے کی ترغیب دیں۔ یہ نہ صرف تازگی بخش ہیں، بلکہ آپ کے بچوں کو موسم گرما میں صحت مند رکھنے کے لئے ضروری وٹامن اور معدنیات بھی فراہم کرتے ہیں۔
