وسطی غزہ کی پٹی میں حماس کے حملے میں مزید 2 اسرائیلی فوجی ہلاک ہوگئے۔

اسرائیلی حکام کی جانب سے جاری بیان میں تصدیق کی گئی کہ حملے میں 28 سالہ ماسٹر سارجنٹ یفلفی اور 37 سالہ ماسٹر سارجنٹ کارمیلی ہلاک ہوگئے۔

واضح رہے کہ 27 اکتوبر کو غزہ میں اسرائیل کی زمینی کارروائی کے آغاز کے بعد سے ہلاک ہونے والے اسرائیلی فوجیوں کی تعداد 263 ہو گئی ہےجبکہ 7 اکتوبر کو غزہ پر اسرائیلی حملے کے آغاز کے بعد سے فوج کی کُل ہلاکتیں 608 تک پہنچ گئی ہیں۔

فلسطینی گروپ حماس کے مسلح ونگ القسام بریگیڈز نے کہا کہ انہوں نے وسطی غزہ کی پٹی کے المغرقا کے علاقے میں اسرائیلی فورسز پر گھات لگا کر حملہ کیا۔

بڑے پیمانے پر تباہی اور اشیائے ضروریہ کی شدید قلت کے باعث اب تک تقریباً 34,500 فلسطینی ہلاک ہو چکے ہیں، جن میں زیادہ تر خواتین اور بچے ہیں اور 77,600 سے زیادہ زخمی ہیں۔