شہر قائد کراچی کے بجلی صارفین پر ایک بار پھر بجلی گرانے کی تیاریاں شروع کی جاچکی ہیں، کے الیکٹرک نے فیول پرائس ایڈجسٹمنٹ (ایف پی اے) کی مد میں 18 روپے 86 پیسے فی یونٹ اضافہ مانگ لیا ہے۔
کے الیکٹرک نے جولائی 2023 تا مارچ 2024 ایف سی اے کی مد میں وصولیوں کی درخواست نیپرا میں دائر کردی۔
سولر پینل لگانے والوں پر ٹیکس لگایا جارہا ہے یا نہیں؟ پاور ڈویژن نے اہم اعلامیہ جاری کردیا
کے الیکٹرک نے اپنی درخواست میں 9 ماہ کی فیول پرائس ایڈجسٹمنٹ مانگی ہے، جس میں سات ماہ کے فیول پرائز ایڈجسٹمنٹ میں اضافہ اوردو ماہ میں کمی مانگی گئی۔
پاکستانیوں کیلئے اچھی خبر، سونے کی قیمت کم ہوگئی
درخواست کے مطابق سات ماہ کا مجموعی ایف پی اے اضافہ 18 روپے 86 پیسے فی یونٹ بنتا ہے، جبکہ دو ماہ کیلئے کمی کی مد میں 29 پیسے کی درخواست ہے۔
نیپرا کے الیکٹرک کی درخواست پر 9 مئی کو سماعت کرے گا، اتھارٹی سماعت کے بعد ایف پی اے کی مد میں درخواست پر فیصلہ کرے گی۔
