کچے کے ڈاکوؤں کیلئے سہولت کاری کے الزام میں 74 پولیس اہلکاروں کا شکار پور سے کراچی تبادلہ کردیا گیا۔
پولیس ذرائع کے مطابق ڈاکوؤں کے خلاف آپریشن کے دوران انفارمیشن لیک ہونے پر شکارپور میں تعینات اہلکاروں کی خفیہ انکوائری شروع کی گئی تھی جس میں یہ انکشاف ہوا کہ پولیس اہلکار مبینہ طور پر ڈاکوؤں کے سہولت کار ہیں۔
جمرود کے 4 طالبعلموں کو اغوا کے بعد افغانستان لے جانے کا انکشاف
مذکورہ پولیس اہلکاروں کو سزا دینے یا نوکریوں سے برخاست کرنے کے بجائے اُن کا ٹرانسفر کراچی میں کردیا گیا۔
کراچی: ایرانی ڈیزل کے گودام پر چھاپہ، 2 کروڑ 50 لاکھ مالیت کا ڈیزل ضبط
ذرائع کا کہنا ہے کہ کچے کے ڈاکوؤں کے خلاف آپریشن کے دوران یہ فیصلہ کیا گیا ہے کہ جن پولیس اہلکاروں پر ڈاکوؤں سے رابطوں کا شبہ ہے ان کا شکارپور رینج سے تبادلہ کردیا جائے۔
ذرائع کا کہنا ہے کہ سندھ بھر میں ڈاکوؤں کے رابطہ کار پولیس اہلکاروں کا سروے کیا جارہا ہے۔
