بادام کا تیل ، بشمول اومیگا۔3، وٹامن اے، وٹامن ای کے کئی غذائی خصوصیات کی دولت سے مالا مال ہے۔ بےشمار طبی فوائد، جیسے اینٹی انفلیمیٹری، مدافعاتی قوت اور جگر کی صحت کی بہتری کی وجہ سے کئی سالوں سے دوائیوں میں بھی استعمال ہوتا ہے۔
یہاں آپ کو روزانہ صرف ایک چمچ بادام کے تیل کے استعمال کی 9 وجوہات سے آگاہ کریں گے۔
بادام کا تیل صحت بخش چکنائی اور پروٹین کا اچھا ذریعہ ہے،جو آپ کو طمانیت اور سکون کا احساس دیتا ہے۔۔ یہ آپ کے وزن کو برقرار رکھنے کی بھی طاقتور صلاحیت رکھتا ہے۔
بادام کا تیل جلد کو اندرونی اور بیرونی غذائیت فراہم کرتا ہے۔ اس کا استعمال خشک جلدکو نمی اور غذائیت فراہم کر کے جلد کی سوزش کو کم کرتا ہے۔
ڈاکٹرز کے مطابق بادام کے تیل میں اومیگا۔3 پایا جاتا ہے،جو ذہنی افعال اور ذہنی صحت کے لیے فائدہ مند ہے۔ نیوروڈیجینریٹیو بیماریوں،جیسے انزائمر کے خطرات کو بھی کم کرسکتا ہے۔
بادام کے تیل کے اندر موجود ضروری ایسڈز اور وٹامن بالوں کی نشونما کو بہتر بناتے ہیں اور انہیں گرنے سے روکتے ہں۔ سرپر اگر بادام کے تیل کا مساج کیا جائے تو یہ خون کی گردش کو بہتر بنا کر بالوں کو صحت مند اور ڈینڈرف سے بچاتا ہے۔
بادام کا تیل کیلکشیم اور میگنیشیم پر مشتمل ہوتا ہے، جو کہ غذائیت کے لیے لازمی ہیں،اور ہڈیوں کی طاقت کو سپورٹ کرتے ہیں اور ہڈیوں کی بیماری آسٹیوپروسس کے خطرے کو کم کرتا ہے۔
یہ ہاضمے کو بہتر بنانےکی صلاحیت رکھتا ہے۔اور قبض کشا اور ہاضمے کی عمومی صحت کے لیے مفید ہے۔
بادام کا تیل ذیا بیطس کے مریضوں کے لیے انتہائی مفید ہے، کیوں کہ یہ خون میں شوگر لیول کو کنٹرول کرتا ہے۔
بادام کے تیل میں وٹامن ای اور پولیفینولز پائے جاتے ہیں اور دونوں مدافعاتی نظام کو طاقتور بنا کر جسم میں بیماریوں اور انفیکشن کے خلاف ڈھال بنتے ہیں۔
بادام کے تیل میں اینٹی انفلیمیٹری خصوصیات پائی جاتی ہیں، جوکہ جسم کی سوزش کو کم کرنے اور انفلیمیٹڑی بیماریوں کی علامات جیسے ارتھریٹیز کو مٹا سکتا ہے۔
