اسلام آباد ہائیکورٹ نے پاکستان تحریک انصاف (پی ٹی آئی) کے رہنما شیر افضل مروت کی قصور مقدمے میں حفاظتی ضمانت منظور کرتے ہوئے پنجاب پولیس کو گرفتاری سے روک دیا، عدالتی استفسار پر شیر افضل مروت نے بتایا کہ قصور میں جلسہ کرنے پر ان کے خلاف مقدمہ درج کیا گیا۔
جسٹس طارق محمود جہانگیری نے شیر افضل مروت کی ضمانت کی درخواست پر سماعت کی۔
دورانِ سماعت جسٹس طارق محمود جہانگیری نے پوچھا کہ شیر افضل مروت کوئی علاقہ چھوڑا ہے جہاں آپ کے خلاف پرچہ نہیں ہوا؟
تاجروں کی وزیراعظم کو بھارت اور عمران خان سے ہاتھ ملانے کی تجویز
چیف جسٹس نے پروٹوکول واپس کردیا، تمام سنگلز پر رکے
تحریک انصاف کے نئے انٹرا پارٹی انتخابات پر اعتراضات عائد
جس پر شیر افضل مروت بولے ’مائی لارڈ پورے ملک میں پرچے ہو رہے ہیں‘۔
عدالت نے استفسار کیا کہ یہ قصور میں پرچہ درج ہوا تھا؟
جس پر شیر افضل مروت نے بتایا کہ قصور میں جلسہ کیا تھا تو پولیس نے مقدمہ درج کرلیا تھا۔
عدالت نے شیر افضل مروت کی دس ہزار روپے کے ضمانتی مچلکوں کے عوض دو ہفتوں کی حفاظتی ضمانت منظور کرتے ہوئے پنجاب پولیس کو گرفتاری سے روک دیا۔
