راولپنڈی کی اڈیالہ جیل میں پاکستان تحریک انصاف (پی ٹی آئی) کے سابق چیئرمین عمران خان سے 9 مئی واقعات کے حوالے سے تفتیش کی گئی، دوسری جانب اڈیالہ جیل میں سابق وزیر خارجہ شاہ محمود قریشی سے ان کے اہل خانہ کی ملاقات ہوئی ہے۔
پولیس جے آئی ٹی ٹیم کے ممبران نے اڈیالہ جیل میں سابق وزیراعظم عمران خان سے تفتیش کی جبکہ اڈیالہ جیل میں تفتیش کا دورانیہ 30 منٹ پر محیط تھا۔
جے آئی ٹی ممبران نے عمران خان سے 9 مئی واقعات کے حوالے سے تفتیش کی جبکہ سابق چیئرمین پی ٹی آئی سے تفتیش کے بعد پولیس ٹیم اڈیالہ جیل سے واپس روانہ ہو گئی۔
پولیس جے آئی ٹی میں ایس پی طارق ملک اور ڈی ایس پی عاطف خان شامل تھے۔
اڈیالہ جیل کے کانفرنس روم میں علی امین گنڈا پور کی عمران خان سے ملاقات کرا دی گئی
دوسری جانب راولپنڈی کی اڈیالہ جیل میں سابق وزیر خارجہ شاہ محمود قریشی سے ان کے اہل خانہ نے ملاقات کی، ملاقات اڈیالہ جیل کے کانفرنس روم میں 40 منت تک جاری رہی۔
ملاقات میں سابق وزیر خارجہ کی صحت، زیر سماعت مقدمات، پارٹی اور سیاسی معاملات پر بات چیت کی گئی۔
ملاقات کرنے والوں میں شاہ محمود قریشی کی اہلیہ مہرین قریشی، بیٹی گوہر بانو، بیٹا زین قریشی شامل تھے، ان کے ساتھ ملاقات کرنے والوں میں بہن ساجدہ سلطانہ اور رضا علی بھی شامل تھے۔
پی ٹی آئی کے 11 رہنماؤں کو جیل میں عمران خان سے ملاقات کی اجازت
ملاقات ختم ہونے پر فیملی ممبران اڈیالہ جیل سے واپس روانہ ہو گئے۔
