کراچی سے لاہور آنے والی نجی ائیرلائن ائیرسیال کی پرواز میں فنی خرابی کی خبر سامنے آئی ہے۔

ذرائع کے مطابق کراچی سے لاہور آنے والی نجی ائیرلائن کی پرواز ائیرسیال اڑان بھرنے کے کچھ ہی دیر بعد طیارے میں فنی خرابی پیدا ہو گئی ہے۔

فنی خرابی کے حوالے سے پائلٹ کی جانب سے ائیر ٹریفک کنٹرولر سے رابطہ کیا گیا تھا۔ طیارے کو واپس کراچی ائیرپورٹ پر اترنے کی اجازت طلب کی تھی۔

طیارے کی کراچی ائیرپورٹ پر بحفاظت لینڈنگ ہوئی ہے۔ طیارے میں 100سے زائد مسافر سوار تھے۔

ترجمان ائیر سیال کے مطابق طیارے میں فنی خرابی کے باعث واپس اتارا گیا، مسافروں کو متبادل پرواز سے رات 9بجے کراچی سے لاہور روانہ کیا جائے گا۔