محکمہ موسمیات نے ملک بھر میں مزید بارشوں کی پیشگوئی کی ہے۔ جس کے بعد این ڈی ایم اے نے الرٹ جاری کردیا ہے ۔
16 اپریل سے 22 اپریل تک ملک بھر میں گرج چمک کے ساتھ بارش اور آندھی کا امکان ہے جبکہ پہاڑی علاقوں میں برف باری، لینڈسلائیڈ کا خدشہ ہے۔
این ڈی ایم اے کے مطابق بلوچستان کے ندی نالوں میں طغیانی جبکہ دریائے کابل، سوات اورپنجکوڑہ میں سیلاب کا امکانات ہیں۔
نوشہرہ، چارسدہ، پبی، شبقدار، جمرود، پشاور کے علاقے متاثر ہونے کاخدشہ ہے جبکہ آندھی سے فصلوں، کھمبوں اور دیگر تعمیرات کو بھی نقصان پہنچ سکتا ہے ۔
محکمہ موسمیات کے مطابق 17 اور 18 اپریل کو موسلادھار بارشوں کے باعث بلوچستان کے مقامی اور برساتی ندی نالوں میں طغیانی کا خطرہ ہے۔
محکمہ موسمیات کا کہنا ہے کہ آندھی، تیز بارشوں کے باعث کھڑی فصلوں کو نقصان پہنچانے کا اندشہ ہے۔ جبکہ تیز بارشوں کے دوران سیاحوں کو محتاط رہنے کی ہدایت کی گئی ہے۔
