گوجرانوالہ کے مچھلی منڈی بازار میں بچوں کی لڑائی کے دوران بڑے کود گئے، اندھا دھند فائرنگ سے باپ بیٹا جاں بحق ہوگئے جبکہ ایک بیٹا زخمی ہوگیا۔
افسوسناک واقعہ کے بعد لاشوں اور زخمیوں کو اسپتال منتقل کیا گیا۔
پولیس کے مطابق جاں بحق افراد میں بابر اس کا بیٹا یاسر شامل ہیں، زخمی فیصل بھی یاسر کا بھائی ہے۔
اس حوالے سے پولیس نے بتایا کہ مقتول بابر نے مچھلی منڈی بازار میں جیولری کا اسٹال لگا رکھا تھا ، جب کہ ملزمان نعیم ، عظیم اور دیگر نے موٹر سائیکل پارکنگ کا اسٹینڈ بنا رکھا ہے۔
پولیس نے بتایا کہ فریقین کے بچوں میں معمولی جھگڑا ہوا تو نعیم ، عظیم وغیرہ نے فائرنگ کی اور فرار ہوگئے۔
کوتوالی پولیس نے موقع پر پہنچ کر ملزمان کی تلاش شروع کر دی۔
