ایبٹ آباد میں سابق اسپیکر مشتاق غنی کی دکان سمیت سات دکانوں میں اچانک آگ بھڑک اٹھی۔ آگ لگنے کی اطلاع ملتے ہی ریسکیو 1122 کے اہلکار موقع پر پہنچ گئے۔ اطلاع ملنے پر دکانوں کے مالک بھی آگئے۔

آج نیوز کے نمائندے کے مطابق دو گھنٹے گزر جانے کے بعد بھی آگ پر قابو نہ پایا جاسکا۔ ریسکیو 1122 کے اہلکار آگ بجھانے میں مصروف ہیں۔

جن دکانوں میں آگ لگی ہے ان کے نزدیک پولیس اہلکار اور تاجر بھی موجود ہیں۔ بتایا جارہا ہے کہ یہ آگ شارٹ سرکٹ کا نتیجہ ہے۔ کسی کے جھلسنے کی اطلاع نہیں ملی۔