خضدار میں عمرفاروق چوک کے قریب بم دھماکے سے دو افراد جاں بحق اور پانچ زخمی ہوگئے۔
پولیس کے مطابق بم موٹرسائیکل میں نصب تھا، زخمیوں میں خاتون اور بچے بھی شامل ہیں۔
اطلاع ملنے پر امدادی ٹیمیں جائے وقوع پر پہنچی، لاشوں اور زخمیوں کو اسپتال منتقل کردیا۔
وزیراعلیٰ بلوچستان نے دھماکے میں جاں بحق ہونے والوں کے ورثا سے اظہار افسوس کیا، انہوں نے کہا معصوم افراد کو نشانہ بنانا بزدلانہ فعل ہے، دہشت گردوں کو معاف نہیں کیا جائے گا۔
