کراچی میں ڈکیتوں کی جانب سے شہریوں کو لوٹنے کا سلسلہ جاری، سہراب گوٹھ میں شہری موبائل فون سے ہاتھ دھو بیٹھا۔

سہراب گوٹھ بس ٹرمینل کے قریب کم عمرملزم گاڑی کےانتظارمیں کھڑےشہری سے موبائل فون چھین کرفرار ہو گئے۔

واردات کی سی سی ٹی وی حاصل کرلی گئی۔ سی سی ٹی وی فوٹیج میں ملزم شہری سے موبائل فون چھین کر بھاگ جاتا ہے۔

ملزم کے دوسرے ساتھی کوموٹر سائیکل پردیکھا جاسکتا ہے۔ ملزم اپنے موٹر سائیکل سوارساتھی کے ساتھ فرارہوا، جبکہ متاثرہ شہری ملزم کو پکڑنے کی کوشش میں گرگیا۔

ملزمان نے ریکی کرنے کے بعد واردات کی۔ علاقہ مکینوں کے مطابق سپرہائی وے پر لوٹ مار کی وارداتیں معمول پر ہیں، سچل پولیس واقعات کی روک تھام میں ناکام ہوگئی ہے۔