اسٹیٹ بینک آف پاکستان (ایس بی پی) کی جانب سے اعلان کیا گیا ہے کہ عید الفطر کے موقع پر ملک بھر کے تمام بینک اور مالیاتی ادارے 10 اپریل سے 12 اپریل تک بند رہیں گے۔
تمام بینک، مائیکرو فنانس بینک اور دیگر مالیاتی ادارے بھی عید کی سرکاری تعطیلات منائیں گے۔
اس سے قبل وفاقی حکومت نے عید کی تعطیلات کا نوٹیفکیشن جاری کردیا تھا۔
کابینہ ڈویژن کی جانب سے جاری نوٹیفکیشن کے مطابق ہفتے میں 5 روزہ کام کرنے والے دفاتر میں 10 سے 12 اپریل تک 3 سرکاری تعطیلات ہوں گی جب کہ 6 روزہ ورک ویک پر کام کرنے والے دفاتر میں 10 سے 13 اپریل تک 4 سرکاری تعطیلات ہوں گی۔
