ایف بی آر نے تاجر دوست اسکیم کے تحت تمام غیر رجسٹرڈ ہول سیلرز، ریٹیلرز ، ڈیلرز اور تمام دوکانداروں کو 30 اپریل 2024 تک رجسٹریشن کرانے کی ہدایت کردی۔
ایف بی آر نے ٹیکس دہندگان کیلئے تاجر دوست اسکیم سے متعلق سوالات اور ان کے جوابات پر مبنی پرفارم بھی جاری کردیا ہے، جس سے تاجروں کو اسکیم سے متعلق ضروری معلومات فراہم کی گئی ہیں۔
ترجمان ایف بی آر کے مطابق پہلے سے رجسٹرڈ دکاندار کو تاجر دوست اسکیم میں نئے سرے سے رجسٹریشن کی ضرورت نہیں ہو گی۔
ترجمان ایف بی آر کا مزید کہنا تھا کہ بجلی کے ماہانہ بلوں میں ادا کیاگیا انکم ٹیکس تاجر دوست سکیم میں ادائیگی کے وقت ایڈ جسٹ کیا جا سکتا ہے۔
واضح رہے کہ تا جر دوست اسکیم کے تحت رجسٹریشن کراچی، لاہور، پشاور، راولپنڈی، کوئٹہ اور اسلام آباد میں کی جائے گی۔ ٹیکس وصولی یکم جولائی سے شروع ہوگی۔تاجر دوست اسکیم کا مقصد ٹیکس نیٹ سے باہر کے تاجروں کو رجسٹر کرنا ہے۔
