اگر آپ رمضان میں افطاری میں ایک ہی طرح کے روایتی کھانے کھا کھا کر بیزار ہو گئے ہیں، تو آج کی چکن پیٹا پاکٹ ریسیپی کو ضرور آزمائیں ،جو بچوں بڑوں سب کو پسند آئے گی۔
بون لیس چکن، ایک پاو کیوب کی ہوئی۔ نمک،حسب ذائقہ۔ پسی ہوئی کالی مرچ،ایک چائے کا چمچ۔ پسا ہوا گرم مصالحہ،آدھا چائے کا چمچ۔ تیل،ایک کھانے کا چمچ۔ پیٹابریڈ،حسب ضرورت۔ٹماٹر،دوعدد۔ سلاد کے پتے،حسب ضرورت۔ کھیرا،ایک عدد۔مایونیز،دو کھانے کے چمچ۔ ٹماٹو کیچپ،دو کھانے کے چمچ۔ مسٹرڈ پیسٹ،ایک چائے کا چمچ۔
چکن میں کالی مرچ،ایک چمچ لیموں کا رس،نمک،پسا ہوا گرم مصالحہ ملا کر دو گھنٹے کے لیے میرینیٹ کر لیں۔
ایک پتیلی میں چکن ڈال کر درمیانی آنچ پر پکائیں،جب تک کہ پانی خشک نہ ہو جائے۔
جب پانی خشک ہوجائے تو چکن کو چولہے پر سے اتار لیں۔
ایک پیالے میں سلاد کے پتےدھو کر رکھ دیں۔ ٹماٹر،کھیرےکو کیوب کی شکل میں کاٹ لیں۔
ایک الگ پیالے میں ایک چمچ لیموں کا رس،کالی مرچ،نمک اور مسٹرڈ پیسٹ اور تیل ملا کر رکھ دیں۔
ایک پیٹا بریڈ میں پہلے مایونیز کی ایک تہہ لگائیں۔
پھر کیچپ کی ایک تہہ لگادیں۔
اب اس کے اوپر تھوڑی سی چکن ڈال کر پھیلا دیں۔
اس کے اوپر سلاد ڈالدیں۔
مزیدار چکن پیٹا پاکٹ افطاری میں بے حد مزہ دے گی۔
