وزیر اعظم کی زیرصدارت وفاقی کابینہ کا اجلاس کل ہو گا، وفاقی کابینہ اجلاس میں اقتصادی صورتحال سمیت اہم امورپربھی تبادلہ خیال کیا جائے گا۔
وزیراعظم شہبازشریف وفاقی کابینہ کے اجلاس کی صدارت کرینگے۔ ذرائع کے مطابق وفاقی کابینہ کے اجلاس میں چھ نکاتی ایجنڈا پرغورکیا جائےگا۔
کابینہ صدر ایس ایم ای بینک طاہر حسین کے استعفے اورنئےصدرکے تقررکی منظوری دے گی۔ وفاقی کابینہ قومی اسمبلی میں پیش کرنے کے لیے اکنامک پالیسی اسٹیٹمنٹ کی منظوری دے گی۔
کابینہ اجلاس میں قومی کمیشن برائے خواتین کے ارکان کے تقرر کی اور پولیس کی تحویل میں شہباز شبیر پر تشدد پر انکوائری کمیشن کی تشکیل کی منظوری دی جائے گی۔
وفاقی کابینہ کے اجلاس میں سابق نیول چیف ایڈمرل امجد خان نیازی کو غیر ملکی ایوارڈ وصول کرنے کی منظوری دی جائے گی۔
